Filipino news : JESUS YOUNG FOLLOWERS A TEAM, KAMPEON SA TABLE TENNIS

Puerto Princesa, May 14 CIO - Tinanghal bilang team champion ang Jesus Young Followers A sa katatapos na isinagawang 1^st Mayor Lucilo R. Bayron Invitational Table Tennis tournament noong May 7-9, 2014 na ginanap sa activity center ng Robinson’s Place Palawan.

Ayon kay Edwin D. Rada, tournament manager, umaabot sa mahigit na isang daang kabataan ang lumahok sa tatlong kategorya. Ito ay kinabibilangan ng mga manlalaro mula sa munisipyo ng Coron, San Vicente, Narra at Brooke’s Point.

Ang mga nanalo sa kategorya ng Under 17, Champion si Brendo Padul, 1^st runner up – Reynante Teope at 2^nd runner up – Sendie Buscayno. Sa women’s competition kampeon si Ma. Kristine Marzan mula San Vicente, 1^st runner up si Ella Faye Ventura at 2^nd runner up si Lilibeth dela Cruz. Sa team event kampeon ang Jesus Young Followers A. Ito ay kinabibilangan nina Leo Oria, Ram Viray at Elking Rada, 1^st runner up ang Jesus Young Followers B at 2^nd runner up ang  Team Walis.

 Ang 1^st Mayor Lucilo R. Bayron Invitational Tournament ay bahagi ng ika 10 taong pagdiriwang ng Pangalipay sa Baybay sa lungsod.