STREETLIGHTS SA STA. LOURDES PINASINAYAAN

Puerto Princesa, July 25 CIO - Pinangunahan ni Mayor Lucilo R. Bayron ang ceremonial switch-on ng bagong kabit na streetlights sa Barangay Sta. Lourdes noong July 12, 2014.

Ang pagpapasinaya ay ginanap sa PASTODA (Pantalan and Suburbs Tricycle Operators and Drivers Association) homeowners association multi-purpose hall. Kung saan pormal na ipinagkaloob ng alkalde ang nasabing mga ilaw sa benepisyaryo nito mula sa PASTODA Homeowners   Association  at Don Eduardo Homeowners Association at mga residente ng Rampano road at Purok Ranchero.

Ang proyektong bayanihan sa toda transport sector ay resulta ng isang memorandum of agreement (moa) sa pagitan ni PASTODA president Francisco “boy” delos Reyes at pamilya ni Mr. Eduardo Tan. Ang lupa ay babayaran ng installment-basis at ipapasok sa social housing ng gobyerno.   Si delos Reyes ay siya ring toda vice national chairman.

Dumalo sa pagpapasinaya ang mga opisyales at miyembro ng PASTODA homeowners association at Don Eduardo homeowners association sa pangunguna ni Violeta Liston bilang presidente. Panauhin din sa nasabing inagurasyon sina Punong barangay Edgar Esoy at PASTODA Board of Director Elmer Barruga.