CLICK HERE! For Electronic Services and Online Payment
Puerto Princesa, August 6 CIO - Umaabot sa 5.1 million pesos ang halaga ng ipinagawang 2-story o dalawang palapag na gusali ng Philippine National Police (PNP) Sabang Station. Ayon kay Beth Maclang, Park Superintendent ng Puerto Princesa City Underground River, ang pondong ipinapagawa ay mula sa park fees na ibinabayad ng mga turistang pumupunta sa Underground River. Ito ay isa lamang sa mga pakinabang na ipinagkakaloob ng UGR.
Taus puso namang nagpasalamat si Superintendent Thomas Frias, ang bagong Chief of Police ng lunsod sa napakalaking proyektong ipinagkaloob ng PPUR at ng Alkalde ng Lunsod, Lucilo R. Bayron. Magtatalaga din umano ng karagdagang motorsiklo at bike si Supt. Frias upang magamit ng mga kawani ng PNP Sabang sa pagpapanatili ng katahimikan at kaayusan ng paligid ng Sabang.
Ayon kay Supt. Frias, napakalaking tulong ito sa hanay ng mga alagad ng batas upang lalo pang mapaganda at mapahusay ang kanilang pagseserbisyo sa komunidad. Ngayon lamang umano nagkaroon ng napakalaki at napakagandang estasyon ng pulisya sa nasabing lugar sa tagal na ng pananantili roon ng pulisya na syang patuloy na nangangalaga sa katahimikan ng pangunahing destinasyon ng mga turista sa lunsod.
Featured Articles |
USAID/SURGE Project |