#MapagkalingangProgram || 𝐌𝐆𝐀 𝐋𝐎𝐋𝐎 𝐀𝐓 𝐋𝐎𝐋𝐀, 𝐏𝐀𝐓𝐔𝐋𝐎𝐘 𝐍𝐀 𝐏𝐈𝐍𝐀𝐇𝐀𝐋𝐀𝐆𝐀𝐇𝐀𝐍 𝐀𝐓 𝐈𝐍𝐀𝐀𝐀𝐋𝐀𝐆𝐀𝐀𝐍
Maya Estiandan, CIO
Balita Sa bawat pamilya, may mga lolo at lola na naging sandigan, tagapayo at tagapag-ingat ng mga kuwentong humubog sa kanilang mga anak at apo. Sila ang mga taong maraming isinakripisyo, maraming pinagdaanan at maraming naibahagi para sa kanilang pamilya at komunidad.
Kaya sa Puerto Princesa, ang pagtanda ay hindi nangangahulugang pagiging nakalilimutan. Sa halip, ito ay yugto ng buhay na nararapat tumbasan ng 𝐩𝐚𝐠𝐦𝐚𝐦𝐚𝐡𝐚𝐥, 𝐩𝐚𝐠𝐠𝐚𝐥𝐚𝐧𝐠, 𝐤𝐚𝐥𝐢𝐧𝐠𝐚 𝐚𝐭 𝐩𝐚𝐠𝐤𝐢𝐥𝐚𝐥𝐚. Sa paggunita sa 𝟐𝟗𝐭𝐡 𝐄𝐥𝐝𝐞𝐫𝐥𝐲 𝐅𝐢𝐥𝐢𝐩𝐢𝐧𝐨 𝐖𝐞𝐞𝐤 𝐚𝐭 𝟒𝟐𝐧𝐝 𝐅𝐨𝐮𝐧𝐝𝐢𝐧𝐠 𝐀𝐧𝐧𝐢𝐯𝐞𝐫𝐬𝐚𝐫𝐲 𝐧𝐠 𝐅𝐒𝐂𝐀𝐏–𝐏𝐮𝐞𝐫𝐭𝐨 𝐏𝐫𝐢𝐧𝐜𝐞𝐬𝐚 𝐂𝐢𝐭𝐲 𝐂𝐡𝐚𝐩𝐭𝐞𝐫, muling ipinakita ng mga senior citizen na hindi nasusukat sa edad ang kanilang sigla at kakayahan. Sa kanilang mga awit, sayaw at pagtatanghal, kapansin-pansin ang saya at enerhiya ng mga lolo at lolang patuloy na aktibo at nakikibahagi sa komunidad. Ngunit higit sa selebrasyon, naging paalala rin ito ng kahalagahan ng patuloy na pag-aalaga sa ating mga nakatatanda. Binigyang-diin ni Mayor Lucilo R. Bayron na nararapat lamang na 𝐚𝐥𝐚𝐠𝐚𝐚𝐧, 𝐩𝐚𝐡𝐚𝐥𝐚𝐠𝐚𝐡𝐚𝐧 𝐚𝐭 𝐤𝐚𝐥𝐢𝐧𝐠𝐚𝐢𝐧 𝐚𝐧𝐠 𝐦𝐠𝐚 𝐬𝐞𝐧𝐢𝐨𝐫 𝐜𝐢𝐭𝐢𝐳𝐞𝐧 upang maging mas maayos, maginhawa at masaya ang kanilang ginintuang panahon.
Bahagi nito ang 𝐌𝐚𝐩𝐚𝐠𝐤𝐚𝐥𝐢𝐧𝐠𝐚𝐧𝐠 𝐏𝐫𝐨𝐠𝐫𝐚𝐦𝐚, kung saan patuloy na nagbibigay ng quarterly allowance sa mga senior citizen bilang konkretong suporta at pagkilala sa kanilang naging ambag sa pamilya at lipunan. At simula sa susunod na taon, 𝐢𝐭𝐚𝐭𝐚𝐚𝐬 𝐬𝐚 ₱𝟔,𝟎𝟎𝟎 𝐚𝐧𝐠 𝐤𝐚𝐧𝐢𝐥𝐚𝐧𝐠 𝐪𝐮𝐚𝐫𝐭𝐞𝐫𝐥𝐲 𝐚𝐥𝐥𝐨𝐰𝐚𝐧𝐜𝐞 —isang dagdag na suporta na masiglang sinalubong ng mga lolo at lola. Kasabay nito, unti-unti ring ipinapatupad ang digital payout system upang maging mas mabilis at maginhawa ang pagtanggap ng kanilang allowance. Para naman sa mga senior citizen mula sa malalayong barangay, patuloy na ilalapit ang serbisyo sa pamamagitan ng mga aktibidad ng 𝐔𝐠𝐧𝐚𝐲𝐚𝐧 𝐬𝐚 𝐁𝐚𝐫𝐚𝐧𝐠𝐚𝐲.
Naging espesyal din ang pagdiriwang sa pagkilala sa dalawang centenarian ng lungsod—si 𝐉𝐮𝐥𝐢𝐚𝐧 𝐌. 𝐌𝐞𝐧𝐝𝐞𝐳, 𝟏𝟎𝟎 𝐭𝐚𝐨𝐧𝐠 𝐠𝐮𝐥𝐚𝐧𝐠, 𝐚𝐭 𝐬𝐢 𝐋𝐚𝐮𝐫𝐞𝐚𝐧𝐚 𝐕𝐢𝐥𝐥𝐚𝐫𝐞𝐳 𝐑𝐚𝐟𝐚𝐞𝐥, 𝟏𝟏𝟑 𝐭𝐚𝐨𝐧𝐠 𝐠𝐮𝐥𝐚𝐧𝐠, na kapwa tatanggap ng kabuuang ₱𝟐𝟎𝟎,𝟎𝟎𝟎 mula sa pamahalaang nasyunal at pamahalaang panlungsod. Higit sa kanilang edad, ipinagdiriwang natin ang mga kuwentong dala nila, ang mga aral na kanilang naipamana at ang mga buhay na kanilang nahubog.
Dahil ang edad ay maaaring bilang lamang, ngunit ang halaga ng isang lolo at lola sa pamilya, komunidad at susunod na henerasyon ay hindi kailanman matutumbasan. #ElderlyFilipinoWeek #MapagkalingangPrograma #PuertoPrincesaCity
