#BalitangPangkabuhayan || 𝐂𝐈𝐓𝐘 𝐏𝐄𝐒𝐎 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐁𝐑𝐄𝐀𝐃 𝐌𝐀𝐊𝐈𝐍𝐆 𝐒𝐊𝐈𝐋𝐋𝐒 𝐓𝐑𝐀𝐈𝐍𝐈𝐍𝐆; 𝐌𝐆𝐀 𝐊𝐀𝐁𝐀𝐁𝐀𝐈𝐇𝐀𝐍 𝐒𝐀 𝐁𝐀𝐑𝐀𝐍𝐆𝐀𝐘 𝐌𝐀𝐒𝐈𝐊𝐀𝐏, 𝐇𝐈𝐍𝐀𝐒𝐀 𝐒𝐀 𝐏𝐀𝐆𝐆𝐀𝐖𝐀 𝐍𝐆 𝐓𝐈𝐍𝐀𝐏𝐀𝐘 𝐁𝐈𝐋𝐀𝐍𝐆 𝐏𝐀𝐍𝐆𝐊𝐀𝐁𝐔𝐇𝐀𝐘𝐀𝐍
Ricky Obligar | CIO Balita
Dagdag-kaalaman, bagong kasanayan, at panibagong oportunidad sa paghahanapbuhay ang hatid ng 𝐁𝐫𝐞𝐚𝐝 𝐌𝐚𝐤𝐢𝐧𝐠 𝐒𝐤𝐢𝐥𝐥𝐬 𝐓𝐫𝐚𝐢𝐧𝐢𝐧𝐠 na nilahukan ng humigit-kumulang 25 kababaihan, kabilang ang mga dalaga at solo parents, sa Barangay Masikap. Isinagawa ang limang araw na pagsasanay mula 𝐍𝐨𝐛𝐲𝐞𝐦𝐛𝐫𝐞 𝟓 𝐡𝐚𝐧𝐠𝐠𝐚𝐧𝐠 𝟗, 𝟐𝟎𝟐𝟔 sa covered gym ng nasabing barangay sa pangunguna ng 𝐂𝐢𝐭𝐲 𝐏𝐮𝐛𝐥𝐢𝐜 𝐄𝐦𝐩𝐥𝐨𝐲𝐦𝐞𝐧𝐭 𝐒𝐞𝐫𝐯𝐢𝐜𝐞 𝐎𝐟𝐟𝐢𝐜𝐞 (𝐏𝐄𝐒𝐎) sa ilalim ng pamamahala ni Manager Demetrio Lopez.
Layunin ng pagsasanay na malinang ang kaalaman at praktikal na kasanayan ng mga kalahok sa paggawa ng iba’t ibang uri ng tinapay, na maaari nilang magamit upang makapagsimula ng sariling maliit na negosyo o magkaroon ng karagdagang pagkakakitaan para sa kanilang mga pamilya. Sa isinagawang closing program noong Nobyembre 9, ipinamalas ng mga nagsipagsanay ang mga natutuhan nilang pamamaraan, recipe, at iba’t ibang produktong kanilang inihanda bilang bunga ng limang araw na pagsasanay.
Higit pa sa pagkatuto ng baking skills, inaasahang magsisilbing panimulang hakbang ang programang ito upang mabuksan ang mas maraming oportunidad sa 𝐬𝐞𝐥𝐟-𝐞𝐦𝐩𝐥𝐨𝐲𝐦𝐞𝐧𝐭 𝐚𝐭 𝐩𝐚𝐠𝐩𝐚𝐩𝐚𝐮𝐧𝐥𝐚𝐝 𝐧𝐠 𝐦𝐚𝐥𝐢𝐥𝐢𝐢𝐭 𝐧𝐚 𝐧𝐞𝐠𝐨𝐬𝐲𝐨𝐧𝐠 𝐩𝐚𝐧𝐭𝐚𝐡𝐚𝐧𝐚𝐧, na makatutulong din sa pagpapasigla ng lokal na ekonomiya. Pinangunahan ang pagsasanay ng City PESO sa pakikipagtulungan ng 𝐓𝐞𝐜𝐡𝐧𝐢𝐜𝐚𝐥 𝐄𝐝𝐮𝐜𝐚𝐭𝐢𝐨𝐧 𝐚𝐧𝐝 𝐒𝐤𝐢𝐥𝐥𝐬 𝐃𝐞𝐯𝐞𝐥𝐨𝐩𝐦𝐞𝐧𝐭 𝐀𝐮𝐭𝐡𝐨𝐫𝐢𝐭𝐲 (𝐓𝐄𝐒𝐃𝐀), bilang bahagi ng mga programang pangkabuhayan ng pamahalaang panlungsod sa ilalim ng administrasyon ni Mayor Lucilo R. Bayron.
Sa pamamagitan ng mga pagsasanay na tulad nito, patuloy na naihahatid sa mga komunidad ang mga oportunidad na nagbibigay-kakayahan sa mga mamamayan na gawing pagkakakitaan ang kanilang mga natutuhang kasanayan. #CityPESO #PuertoPrincesaCity
