Bumisita kay Mayor Lucilo R. Bayron ang bagong Regional Director ng Commission on Population and Development(CPD) – MIMAROPA ngayong araw, October 12, 2026, upang pormal na magpakilala at makipag-ugnayan sa alkalde.
“Napaka-impressive po ng vision niyo for the city (of Puerto Princesa). Nakakabilib po na may mga mini-City Hall dito na talagang inilalapit sa serbisyo sa mga tao,” pahayag ni CPD-MIMAROPA Regional Director Adreal Denver C. Monterona.
Dagdag ni Regional Director Monterona, naaayon ito sa hangarin ng CPD-MIMAROPA na maisulong ang isang people-centered development. Kinilala rin niya ang magandang sistema at dedikasyon ng Pamahalaang Lungsod pagdating sa preventive healthcare.
Pinuri rin nito ang Comprehensive Household Information System ng Puerto Princesa City Government sapagkat mahalaga umano ang Demographic Intelligence upang mula sa mga datos ay makalikha ng magagandang programa at proyekto para sa mga mamamayan.
“Malaking bagay po that we emphasize on people […] We could help Puerto Princesa through sound population data that turn development opportunities into meaningful improvement in the people’s lives,” ani Regional Director Monterona.
Kabilang din sa pagpupulong si City Health Population Program Officer IV Annaliza Herrera at ilang kinatawan ng CPD-MIMAROPA.
