#𝐒𝐚𝐧𝐠𝐠𝐮𝐧𝐢𝐚𝐧𝐔𝐩𝐝𝐚𝐭𝐞 || 𝐑𝐄𝐒𝐎𝐋𝐔𝐓𝐈𝐎𝐍 𝐍𝐎. 𝟕𝟕𝟕-𝟐𝟎𝟐𝟔
𝐉𝐔𝐍𝐄 𝐁𝐈𝐋𝐀𝐍𝐆 “𝐁𝐈𝐑𝐓𝐇 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐀𝐖𝐀𝐑𝐄𝐍𝐄𝐒𝐒 𝐌𝐎𝐍𝐓𝐇” 𝐒𝐀 𝐁𝐀𝐑𝐀𝐍𝐆𝐀𝐘 𝐌𝐀𝐎𝐘𝐎𝐍
Idineklarang “𝐁𝐢𝐫𝐭𝐡 𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡” ang buwan ng Hunyo sa Barangay Maoyon sa bisa ng 𝐑𝐞𝐬𝐨𝐥𝐮𝐭𝐢𝐨𝐧 𝐍𝐨. 𝟕𝟕𝟕-𝟐𝟎𝟐𝟔, na inaprubahan ng 𝟏𝟖𝐭𝐡 𝐒𝐚𝐧𝐠𝐠𝐮𝐧𝐢𝐚𝐧𝐠 𝐏𝐚𝐧𝐥𝐮𝐧𝐠𝐬𝐨𝐝 sa ika-54 na Regular Session nito.
Ang resolusyon ay nagpapatibay sa 𝐁𝐚𝐫𝐚𝐧𝐠𝐚𝐲 𝐎𝐫𝐝𝐢𝐧𝐚𝐧𝐜𝐞 𝐍𝐨. 𝟓, 𝐒𝐞𝐫𝐢𝐞𝐬 𝐨𝐟 𝟐𝟎𝟐𝟔, na naglalayong isulong ang 𝐧𝐚𝐩𝐚𝐩𝐚𝐧𝐚𝐡𝐨𝐧𝐠 𝐩𝐚𝐠𝐩𝐚𝐩𝐚𝐫𝐞𝐡𝐢𝐬𝐭𝐫𝐨 𝐧𝐠 𝐤𝐚𝐩𝐚𝐧𝐠𝐚𝐧𝐚𝐤𝐚𝐧 𝐧𝐠 𝐦𝐠𝐚 𝐛𝐚𝐭𝐚 at palakasin ang kaalaman ng mga magulang at guardian tungkol sa kahalagahan ng pagkakaroon ng birth certificate.
Bilang bahagi ng inisyatiba, itinataguyod din ang 𝐭𝐮𝐥𝐨𝐧𝐠 𝐧𝐠 𝐛𝐚𝐫𝐚𝐧𝐠𝐚𝐲 𝐬𝐚 𝐦𝐠𝐚 𝐦𝐚𝐠𝐮𝐥𝐚𝐧𝐠 𝐚𝐭 𝐠𝐮𝐚𝐫𝐝𝐢𝐚𝐧 𝐬𝐚 𝐩𝐫𝐨𝐬𝐞𝐬𝐨 𝐧𝐠 𝐩𝐚𝐠𝐤𝐮𝐡𝐚 𝐧𝐠 𝐛𝐢𝐫𝐭𝐡 𝐜𝐞𝐫𝐭𝐢𝐟𝐢𝐜𝐚𝐭𝐞, upang mas maging accessible at maayos ang pagpaparehistro ng mga bagong silang na sanggol.
Mahalaga ang maagap na birth registration dahil nagsisilbi itong mahalagang dokumento ng pagkakakilanlan ng isang bata at kinakailangan sa pag-access sa iba’t ibang serbisyo at oportunidad, kabilang ang edukasyon, kalusugan at iba pang serbisyong pampubliko.
Sa maagap na pagpaparehistro, mas napoprotektahan ang pagkakakilanlan at mga karapatan ng bawat bata.
