Puerto Princesa, Oct. 04 CIO - TINANGHAL NA MUTYA NG TANDIKAN – TURISMO 2013 SI MS. GIRLY TANA NG SYSTEMS TECHNOLOGY INSTITUTE SA GABI NG KORONASYON NOONG SETYEMBRE 29, 2013 NA GINANAP SA CITY COLISEUM. ISANG BONGGANG PRODUCTION NUMBER KASAMA ANG TRIBU KULTURA ANG NAGPASIMULA SA NASABING BEAUTY PAGEANT.

KINORONAHAN ANG STI STUDENT MATAPOS ANG SWIMWEAR, LONG GOWN COMPETITION AT QUESTION AND ANSWER PORTION.  NAKUHA DIN NI MS. TANA ANG TITULONG BEST IN TANDIKAN COSTUME, MS. SILKA TOURISM,  BEST IN SWIMWEAR AT BEST IN LONG GOWN. 

SA Q AND A GAMIT ANG ILLUSTRATION BOARD, KANYANG SINAGOT ANG TANONG NA MAGBIGAY KA NANG KAHIT ISANG ISINUSULONG NA 3 POINT AGENDA NG LUNGSOD NG PUERTO PRINCESA. AYON SA KANYA,  NARARAPAT NATING BANTAYAN, ALAGAAN AT  INGATAN ANG ATING KAPALIGIRAN.

SI MAY JESSICA MIRANDA NG PALAWAN TECHNOLOGICAL COLLEGE, INC. ANG FIRST RUNNER-UP. SI MS. MIRANDA RIN ANG NANALONG, MS PERSONALITY, MS PHOTOGENIC, MS. JUICY COLOGNE AT MS SMART.

SECOND RUNNER-UP SI CYRA GUILALAR NG PALAWAN STATE UNIVERSITY AT THIRD RUNNER-UP SI RODESA URBIZTONDO NG PALAWAN POLYTECHNIC COLLEGE, INC. SI DANIZZA REYCE GENTURO NG PTCI ANG FOURTH RUNNER-UP, MS. FRIENDSHIP AT MS. E-ESTATE.

ANG IBA PANG BUMUO SA OFFICIAL CANDIDATES AY SINA, REIZZA MAE PILAPIL NG STI, AUBREY RIZZA LASCANO AT ANNA MARGARITA FAIGAO NG PSU, IVY GLADDYS CAPINIG NG PTCI AT MANILYN CORTEZ NG STI.

NAGPARINIG NAMAN NG AWITIN SI PALAWAN POP IDOL 2011, AJELETH ALVAREZ NG PPCI AT PALAWAN POP IDOL 2012, ADRIAN ADORNADO NG PSU. NAGPAMALAS NAMAN NG SAYAW ANG HOLY TRINITY UNIVERSITY STUDENTS AT ANG WESTERN PHILIPPINES UNIVERSITY DANCE TROUPE.   

ANG 6TH MUTYA NG TANDIKAN – TURISMO 2013 NA HUDYAT NG PAGSASARA NG TOURISM MONTH SA SYUDAD  AY HANDOG NG PAMAHALAANG LUNGSOD NG PUERTO PRINCESA SA PAMUMUNO NI MAYOR LUCILO R. BAYRON, NG CITY TOURISM OFFICE AT NG CITY TOURISM COUNCIL NG PUERTO PRINCESA.