Tuluy-tuloy ang paghahanda ng Pamahalaang Lungsod sa kapana-panabik na water-based sport activities na gaganapin sa lungsod. Mapapansin ang mga ginawang bleachers sa baywalk upang mas komportable ang panonood sa gaganaping 3rd Puerto Princesa International Dragon Boat Festival mula Oct. 25-27 at ang inaabangang ICF Dragon Boat World Championship mula Oct. 28 - Nov. 4. Maliban sa removable bleachers ay magtatayo din ng removable tent sa paligid at iba pang pasilidad.

Sa gitna ng patuloy na pag-usbong ng industriya ng sports tourism sa Pilipinas, isang malaking karangalan ang natamo ng Puerto Princesa, nang ito ay makasama sa nominado bilang “Philippine Sports Tourism Government Organizer of the Year 2023.” Ang nominasyong ito ay patunay ng pagsusumikap at dedikasyon ng lokal na pamahalaan sa pagbuo at pagsuporta sa mga programang nagtataguyod ng sports tourism sa lungsod. Magaganap ang pagpaparangal sa Axis Nustar Resort, Cebu sa darating na Nobyembre 22 handog ng 6th Philippine Sports Tourism Awards.

Ipinagmamalaki ng lungsod ng Puerto Princesa ang mga natatanging pagganap at tagumpay nito sa pagpapalaganap ng mabuti at maayos na pamamahala, pag-unlad ng imprastruktura, kahusayan ng gobyerno, at pag-angat sa kompetisyon ng ekonomiya sa pamamagitan ng iba't ibang mga gantimpala at pagkilala na natanggap nito, mapa-rehiyon man ng MIMAROPA at sa bansa sa mga nakaraang taon hanggang ngayon. Ang mga inisyatibo sa pag-unlad, innovation, programa, at proyekto ng Pamahalaang Lungsod, na pinangunahan ni Mayor Lucilo R. Bayron ay nakatulong sa mga tagumpay na ito.

Dumanas man ng pagkasira ng mga pananim sanhi ng mga bagyong dumaan noong buwan ng Setyembre, nakapatala pa rin ang SM Kadiwa Outlet ng kinitang P116,218.00 mula sa mga itinindang mga produkto sa mga noong Setyembre 28, 2024.

Ampalaya, Letsugas, Sitaw, talong ,okra ang mga “best sellers” na gulay. Meron ding mga panindang prutas tulad ng melon,itlog, free range chickens, mushroom at by-products ng mga produktong dagat.