Feature Article

Hinikayat ni Punong Lungsod Lucilo R. Bayron ang mga kawani ng gobyerno na makiisa sa gaganaping Balayong Tree Planting Festival sa Balayong Park sa darating na Hulyo 29, alas-sais ng umaga.

 

Tinatayang 1,200 balayong seedlings na may taas na limang talampakan ang itatanim. Dahil sa limitadong bilang ng mga seedlings at taas nito ay dalawa hanggang limang katao ang magtatanim sa bawat puno. Isa sa mga ito ay dapat lalake.

 

Magiging panauhing tagapagsalita si Punong Lungsod Lucilo Rodriguez Bayron sa pagbubukas ng Palawan Rugby Festival sa darating na ika 22-23 ng Hulyo sa Ramon V. Mitra Sports Complex.

 

Ang Palawan Rugby Festival ay mahahati sa dalawang bahagi: World Rugby level 1 Coaches Course na gagawin sa ika 20 at ang Match Officials Course sa ikalawang araw. Ang ikalawang bahagi ay laro na magsisimula sa araw ng Sabado ika 22 hanggang ika 23 ng buwang kasalukuyan sa Ramon V. Mitra Sports Complex.  

 

“Maganda na magkasama tayo sa trabaho para sa ating lungsod,” ito ang tinuran ni Mayor Lucilo R. Bayron sa naging pag-uusap nila ni Atty. Rocky Austria ng hikayatin ng una na maging kasama nito sa pagpapatupad ng programang pang sports ng Pamahalaang Lungsod.

 

Samantala, nagpasalamat naman si Atty. Austria sa ibinigay na tiwala at kumpiyansa ng Punong Lungsod na pamunuan nito ang City Sports Program sa ilalim ng kanyang panunungkulan.

 

Magkakaroon muli ng Public Auction Sale Of Delinquent Real Properties ang tanggapan ng Ingat Yaman o City Treasurer’s Office nitong buwan ng Hulyo. Ito ay isang paraan ng gobyernong paalalahanan ang mga mamamayan lalo’t higit ang mga hindi nakakapagbayad ng buwis ng mga ari-ariang di natitinag o real properties ng matagal nang panahon o lumampas na sa itinakdang palugit ng pamahalaan.

 

Positibo sa paralytic shellfish poison o red tide ang baybayin ng Puerto Princesa batay sa inilabas na Shellfish Advisory no. 23 ng Bureau of Fisheries and Aquatic Resources (BFAR) kahapon Hulyo 3.  Umabot sa 80 µgSTXeq/100g ng shellfish meat ang toxic level na nakolekta sa baybayin ng Puerto Princesa kung saan ang regulatory limit lamang nito ay 60 µgSTXeq/100g ng shellfish meat.

 

Tinanghal na Gold Best in Evening Gown si Ms Puerto Princesa 2015 Sandrine Stoelzaed, sa evening gown competition ng Ms Philippines - Earth 2017 noong gabi ng July 1, 2017 sa City Coliseum, Lungsod ng Puerto Princesa.

Si Catherine Tabaniag ng Panglao, Bohol ang Silver Best in Evening Gown at Bronze Best in Evening Gown ang representative ng New Zealand na si Jessica Rose Mc Ewen. 

Ang evening gown ni Ms Philippines-Earth Puerto Princesa 2017 Sandrine Stoelzaed ay disensyo ni Sir Cleo Diomampo, kilalang local designer at events organizer sa lungsod.

Iginawad ni Mayor Lucilo R. Bayron ang isang Sertipiko ng Rehistrasyon sa SITEL PHILIPPINES CORPORATION noong Hunyo 28, 2017, sa inagurasyon ng establisimento. Ang sertipiko ay tinanggap  ni Craig  Reines, Chief  Operation Manager ng kompanya. Nagsasaad ito ang 100% exemption sa pagbayad ng business tax para sa taong 2017 at 2018, 75% sa 2019 at 50% sa 2020. 

 

Ginanap sa lungsod ng Puerto Princesa ang isang araw na Convergence of Luzon ICT Champions Conference na tinawag ding Click Con nitong ika-16 ng Hunyo sa Asturias Hotel.

Tinalakay sa ICT Conference ang kasalukuyang kalagayan ng ICT industry sa Pilipinas, sa pamamagitan nina USEC. Monchito Ibrahim ng Department of ICT, Stephanie Caragos, Presidente ng National ICT Confederation of the Philippines at iba pang speakers.

Dumating na sa lungsod ang mga partisipante ng 2017 FIM Asia Motocross Championship, na gaganapin sa Sta. Monica Race Track ng Puerto Princesa mula ika-9 hanggang ika-11 ng Hunyo taong kasalukuyan. Makikiisa sa okasyon ang mga International Jury Member mula sa Indonesia na sina Pie An Tan o Frans Tanuiaya at Lai Kin Keng.

“Pangalagaan at pagyamanin ang proyektong ito upang makatulong na umangat ang antas ng inyong kabuhayan dito”, ito ang buod ng mensahe ni City Tourism Officer Aileen Cynthia M. Amurao sa mga opisyales ng Community-Based Sustainable Tourism (CBST) projects sa  isinagawang pagpapasinaya ng mga City Tourism Extension Office at tourist destinations sa Barangay Langogan, Binduyan, Concepcion, Tanabag, San Rafael, Babuyan at Maoyon noon ika-26 ng Mayo.

 

Navigation Menu