Dumating na sa lungsod ang mga partisipante ng 2017 FIM Asia Motocross Championship, na gaganapin sa Sta. Monica Race Track ng Puerto Princesa mula ika-9 hanggang ika-11 ng Hunyo taong kasalukuyan. Makikiisa sa okasyon ang mga International Jury Member mula sa Indonesia na sina Pie An Tan o Frans Tanuiaya at Lai Kin Keng.

“Pangalagaan at pagyamanin ang proyektong ito upang makatulong na umangat ang antas ng inyong kabuhayan dito”, ito ang buod ng mensahe ni City Tourism Officer Aileen Cynthia M. Amurao sa mga opisyales ng Community-Based Sustainable Tourism (CBST) projects sa  isinagawang pagpapasinaya ng mga City Tourism Extension Office at tourist destinations sa Barangay Langogan, Binduyan, Concepcion, Tanabag, San Rafael, Babuyan at Maoyon noon ika-26 ng Mayo.

 

Muling  pinagkalooban ng Department of Finance, Bureau of Local Government Finance-MIMAROPA ng Plaque of Grateful Recognition and Sincere Acknowledgement of Revenue Generation Program ang Puerto Princesa.  Lumampas ng 119% ang koleksyon sa nilalayong halaga ang nalikom ng siyudad. Ang koleksiyon ay mula sa real property taxes, business permits, fees and charges, at economic enterprises.

Opisyal ng sinimulan ang Philippine Swim Long Course Swim Series Palawan League 1-3, nitong ika 11 ng Mayo sa Sports Complex Swimming Pool, handog ng Pamahalaang Lungsod, sa pamumuno ni Mayor Luis M. Marcaida III, Vice Mayor Nancy Socrates at Sangguniang Panglunsod, katuwang ang City Swimmers Club upang patuloy na mahasa ang galing ng mga manlalangoy at patuloy na maitaguyod ang City of Puerto Princesa bilang Sports Capital ng Pilipinas.

 

Nakatakdang dumating sa lungsod ang may tatlongdaan at isang (301) kadete ng Philippine Military Academy (PMA) mula May 7 hanggang 10, 2017 sa isang Southern Cruise kung saan pinupuntahan ang mga siyudad sa mga lalawigan ng Pilipinas upang alamin ang kasaysayan nito.

Importanteng malaman ang mga kostumbre at tradisyon ng iba’t-ibang lalawigan upang mas maunawaan ang “way of life” ng mga mamamayan na nakatira dito. Mahalaga itong paghahanda sa destino ng PMA cadets, madali nilang makakasundo ang mga residente dahil napuntahan na nila ang lugar.

Kaugnay sa isinagawang diyalogo ng Pamahalaang Lungsod sa pagitan ng mga Muslim leaders, Armed Forces of the Philippines (AFP), Western Command (WesCom) at Philippine National Police (PNP) noong ika-28 ng Abril ay lumagda sina Punong Lungsod Luis Marcaida III, Deputy Commander Dorvin Jose Legaspi ng WESCOM, Chief Police Inspector Arvin Peniones, mga muslim leaders, mga miyembro ng pribadong sector at mga punong barangay sa isang kasunduang pangkapayapaan na isinagawa sa Asturias City State Hotel noong ika-2 ng Mayo taong kasalukuyan.

 

Isang plake ng Sertipiko ng Rehistrasyon ang ibinigay ng Pamahalaang Lungsod sa kompanya ng Ai World na nagsasaad ng kanilang 100% exemption sa pagbayad ng mga buwis sa ari-ariang di natitinag at sa pagnenegosyo  para sa taong 2018.  Bunsod ito ng kanilang pamumuhunan ng mahigit sa P200M para sa pagpapatayo ng isang world class mountain resort sa Sitio San Carlos, Bgy. Bacungan.

Navigation Menu