• Puerto Princesa, June 1 CIO - Bilang paghahanda sa pagbubukas ng klase sa elementarya sa Barangay Tagburos ngayong June 1, 2015, isang hindi matatawarang biyaya ang pagsasalin sa pamamahala ng katatapos lamang na gusali na may tatlong silid-aralan, kaninang alas-kwatro ng hapon. Ito’y labis na ikinatuwa hindi lamang ng mga magulang kundi maging ang Principal na si Joy M. Aguilar Ph. D., Principal II ng Tagburos Elementary School.

                                                                                                                                                 

Puerto Princesa, May 27 CIO - Isinagawa  ang “program orientation” hinggil sa kalusugan ng mga kabataan  noong Mayo 26, 2015 sa Skylight Convention Center sa lungsod. Tinaguriang itong “WIND/S” o Water, Sanitation and Hygiene in Day Care Centers and Schools na ipinapatupad ng Pamahalaang Lungsod kaagapay ang UNICEF, Zuelleg Family Foundation, Department of Education, Early Child Care Council at ang City CSWD.  Dinaluhan ito ng mga opisyales mula 56 barangay, 148 day care teachers at kinatawan ng mga ahensiyang may kinalaman sa programa.

Puerto Princesa, May 27 CIO - Upang damhin ang huling hirit ng tag-init ipagdiriwang ang kauna-unahang Water Festival sa Lungsod ng Puerto Princesa.

Ang selebrasyon ay nagbukas hapon ng may 26, 2015 sa pamamagitan ng first water fun run mula Capitol hanggang Baywalk. Masaya ang mga partisipante habang tumatakbo at hinahagisan ng tubig, gawgaw (cornstarch) at food coloring sa kahabaan ng Rizal avenue patungong baywalk. Sa gabi ginanap ang fire dance competition elimination round at ang reggae party.

Puerto Princesa, May 27 CIO - Ginanap ang Wacky Boat Race 2015 noong May 23, 2015, araw ng sabado sa Baywalk Area ng Puerto Princesa. Ito ay bahagi parin ng pagdiriwang ng ika-11 Pangalipay sa Baybay. Ang wacky boat ay gawa sa mga materyales na recyclable tulad ng plastic bottles, styro, goma at iba pa maliban sa kahoy at dapat lulutang sa tubig.

 

Ang resulta nito ay magiging bahagi ng Comprehensive Land Use Plan (CLUP) ng Puerto Princesa Puerto Princesa, May 20 CIO - Bunsod ng Executive Order no 38, na nilagdaan ni Mayor Lucilo R. Bayron noong September 10, 2014, sinimulan ang pagpaplano sa pagbuo ng technical working group na gagawa ng Forest Land Use Plan ng Puerto Princesa City.

Nakasaad dito na ang Department of Environment and Natural Resources(DENR) at ang Pamahalaang Lungsod ng Puerto Princesa ay nararapat magsagawa ng pagpaplano sa paggamit ng kagubatan (forest land use planning).

Puerto Pricesa, May 19 CIO - Pinatunayan ng El Lobo Dragon Boat Race Team ang kanilang lakas nang kanilang mapanalunan ang unang puwesto sa men’s 10-crew race ng katatapos na 2nd Puerto Princesa Dragon Boat Race noong May 17, 2015.

Ang grupo ang siyang magtatayo ng bandila ng Pilipinas sa gaganaping 36th Southeast Asian (SEA) Games sa Singapore sa Hunyo ng 2015.

Bagaman at nag-dalawa na silang grupo hindi naman nagpahuli ang grupo ng marines ng Sandatahang Lakas ng Pilipinas.

Puerto Princesa, May 19 CIO - Itinuturing na gentleman’s act ang ginawang reconciliatory gesture ni Mayor Lucilo R. Bayron sa kanyang pagdalaw sa 98th Regular Session ng Sanggunian Panlungsod kaninang hapon na ikinagulat ng mga miyembro ng konseho.

 

Puerto Princesa, May 15 CIO - Maliban sa pinag-uusapang recount issue, gumulantang din ang balitang binalak ilabas sa kustodiya ng Pamahalaang Lungsod ang dalawang sealed boxes na ayon kay Comelec Officer Cielito Marquez na pawang mga basura lamang. Tinangkang ilabas ang mga nasabing boxes sa pagitan ng alas dos at alas tres ng madaling araw noong May 9, 2015 pagkatapos ng canvassing sa Capitol. Ngunit dahil sa mapanuring pagbabantay ni Chief Civil Security Officer Raul Alarcon, ay napigilan ang tangka at pinayuhan na lamang sila na makipag-ugnayan sa City Administrator.

 

       Puerto Princesa, May 15 CIO - Masayang ipinahayag ni Mayor Lucilo R. Bayron sa isang panayam na ang Lungsod ng Puerto Princesa  ay tatanggap ng halagang Tatlong Milyong Peso (P3M) mula sa DILG  bilang insentibo bunsod ng pagkakapili nito na awardee sa taong 2014.

 

        Kaugnay nito, binanggit din ng Punong Lungsod na ang matatanggap na halaga ay gagamitin sa proyektong kabilang sa Annual Investment  Plan ng lungsod na inaasahang magbibigay ng dagdag na kaunlaran para sa lungsod.

 

Navigation Menu