Puerto Princesa July 28 CIO - Tatlumpong (30) kandidata ng Mutya ng Pilipinas 2015 ang naglaban-laban para sa Swimsuit Competition na ginanap noong gabi ng July 22, 2015 sa Sheridan Beach Resort, Sitio Sabang, Bgy. Cabayugan, Lungsod ng Puerto Princesa.  Sa gabing yun din ay  ilang piling kandidata naman ang nagpamalas ng kanilang talento para naman sa Talent Competition ng nasabing patimpalak kagandahan.

 

Puerto Princesa, July 23 CIO - Sa ginanap na MOA signing noong July 20, 2015 sa pagitan ng Pilipinas Shell Foundation Inc. at ng Weather Philippines kasama ang PCSD ay inaasahang lalo pang lalakas ang weather monitoring capability ng lokal na pamahalan sa pamumuno ni Mayor Lucilo R. Bayron. Sa pamamagitan ng modernong kagamitan ay  itatayo ang “unmanned” Automated Weather Stations sa iba’t-ibang lugar sa lalawigan ng Palawan kasama na ang limang (5) bagong weather stations sa lungsod ng Puerto Princesa.

Puerto Princesa, July 23 CIO - Tinalakay ni Atty. Muhammad Kipli, spokesperson ng Peace Negotiating Panel ang ilan sa mga karaniwan ng tinatanong may kinalaman sa Bangsamoro Basic Law (BBL). Mahigpit nilang isinusulong na tulungan ang kanilang hanay na ipaliwanag ang mga ilang nilalaman ng BBL sanhi umano ng dumaraming maling pagkakaintindi ng mga Pilipino.

 

Puerto Princesa, July 23 CIO - Isang resolusyon ang inaprubahan ng Sangguniang Panlungsod, ang Resolution No. 1224-2015, na naglalayon humiling sa Kagalang-galang na Alkalde Lucilo R. Bayron, na makipag-usap sa pamunuan ng Department of Justice at Iwahig Prison and Penal Farm na maglaan ng sampung (10) ektarya ng lupang nasasakupan nito sa Barangay Iwahig upang gawing panibagong sementeryo ng Lungsod ng Puerto Princesa.

Puerto Princesa, July 23 SP - Sa ikalawang pagbasa ay inaprubahan ng Sangguniang Panlungsod ang mga ordinansang magdedeklara sa dalawang (2) marine fish sanctuary. Ito ay ang Tangdol Reef ng Barangay Bancao-Bancao at Tagkuti Reef ng Barangay Simpokan.

 

Puerto Princesa, July 23 SP - Sinuportahan  ng Sangguniang Panlungsod ang isang Memorandum of Understanding (MOU) sa pagitan ng Pamahalaang Lungsod ng Puerto Princesa at United States Agency for International Development o USAID sa pamamagitan ng pagbibigay ng otorisasyon sa Punong Lungsod Lucilo R. Bayron  na lumagda sa naturang MOU na gaganapin sa ika-28 ng Hulyo taong kasalukuyan sa Kamaynilaan. Ito ay sa bisa ng Resolution No. 1235-2015 na kagyat ay inaprubahan ng Kapulungan.

 

Puerto Princesa, July 23 CIO - Isang pagtitipon ng mga Local Government Units (LGU) sa Timog Silangang Asya (South East Asia) ang gaganapin sa August 25, 2015 sa Bayleaf Hotel, Intramuros manila, kaugnay ng Project I4J (partnerships for integrity and jobs).

Ito ay ayon kay Lorraine Banzuelo, ng City Planning and Development Coordinator Office, focal person ng proyekto sa lungsod ng puerto princesa.

Si Mayor Lucilo R. Bayron, City Legal Officer Atty. Gia Ariosa at kinatawan ng negosyo (business sector) ang mangunguna sa mga representatives ng syudad. 

Sa bisa ng Resolution No. 1205-2015 na inaprubahan ng Kapulungan sa naganap nitong regular na sesyon noong ika-13 ng Hulyo ay agarang inaprubahan ang isang resolusyon na naglalaan ng Kalahating Milyong Piso (P500,000.00) sa pagkuha ng serbisyo ng isang ekspertong consultant na syang maghahanda ng isang master plan para sa proyektong pailaw ng buong Lungsod ng Puerto Princesa.

 

Sa naganap na ika-106th na regular na sesyon ng Sangguniang Panlungsod noong ika-13 ng Hulyo, taong kasalukuyan ay inanyayahan ng Kapulungan ang Fish Port Program Manager na si Ginoong Silverio “Chill” Blas upang ipaliwanag ang mga isyu na tila may paglabag ang Fish Port Management sa pagpapatayo ng mga stalls sa loob ng fish port area ng walang kapahintulutan mula sa Pamahalaang Lungsod, pagsosolicit ng mga construction materials sa mga pribadong negosyante at paniningil sa mga nagsisipagpatayo ng stalls sa halagang P60.00 kada metro kwadrado sa bawat buwan.

Navigation Menu